چوونە ناو بەریتانیا بە نایاسایی لە هەموو کاتێک مەترسیدارترە.
لەوانەیە لەناو بەلەمێکی بچووکدا بمریت.
هاتن بۆ بەریتانیا بە بەلەمی بچووک زۆر مەترسیدارتر بووە.
بەلەمەکان قەرەباڵغن، شیاوی ناو دەریا نین و لە کاتی گەشتەکەدا تێکدەشکێن.
ئەگەر بکەویتە ناو دەریاوە، لەوانەیە لە ماوەی چەند خولەکێکدا بخنکێیت یان لە سەرما ڕەق ببیتەوە. چاکەتی ڕزگارکردنی ساختە ڕزگارت ناکات.
ئەگەر سووتەمەنی بەسەرتدا بڕژێت، پێستت دەسووتێنێت. لەوانەیە ببێتە هۆی شێواندن یان دروستبوونی ئاسەواری هەمیشەیی.
لەم بەلەمە قەرەباڵغانەدا خەڵک دەبن بەژێر پێوە و بەهۆی پاڵەپەستۆوە دەمرن.
زۆر منداڵ بەم شێوەیە مردوون. بە سواربوونی بەلەمێک دەکرێت ببیتە هۆی کوشتنی کەسێکی تر – دەکرێت ئەم کەسە منداڵێک بێت.
ئەگەر لە گەشتی بەلەمێکی بچووکدا ژیانی کەسێکی تر بخەیتە مەترسییەوە، دەستگیر دەکرێیت.
ئەمە تاوانی کوشتنە و دەکرێت بۆ ماوەی تا شەش ساڵ زیندانی بکرێیت.
قاچاخچییەکانی مرۆڤ گرنگی بە تۆ نادەن. تەنها پارەکەتیان دەوێت.
بۆیە خەڵکانێکی زۆر ناچار دەکەن سواری ئەم بەلەمانە ببن و تەنانەت بە چەک هەڕەشەیان لێدەکەن ئەگەر ڕەتی بکەنەوە.
هەندێک جار ئەوان تەنها فێڵت لێدەکەن، پارەکەت دەبەن و لە بەرامبەردا هیچت پێنادەن.
پارە و ژیانت مەخەرە مەترسییەوە.
لەوانەیە لە لۆریدا بمریت.
لە ساڵی 2021، 39 کۆچبەر بە مردوویی لەناو بارهەڵگری لۆرییەکدا لە بەریتانیا دۆزرانەوە.
ئەوان لە ناوەوە گیریان خواردبوو و نەیاندەتوانی هەناسە بدەن.
لە دوایین پەیامیاندا، یەکێک لە قوربانییەکان وتی ‘دەمەوێت بگەڕێمەوە لای خێزانەکەم.‘
هاتن بۆ بەریتانیا بە نایاسایی بە لۆری زۆر مەترسیدارە. قاچاخچییەکان گرنگی بە تۆ و ئازیزانت نادەن.
دەرگاکان زۆرجار لە دەرەوە دادەخرێن. لە تاریکییەکی تەواودا لە ناوەوە گیر دەبیت، ڕووبەڕووی گەرمای زۆر یان سەرمای زۆر دەبیتەوە.
زۆرێک لە بارهەڵگری لۆرییەکان کەپسن. ئەگەر قاچاخچییەکە، بە هەر هۆکارێک، نەتوانێت دەرگاکە بکاتەوە، یان ئەگەر قەرەباڵغی هاتووچۆ گەشتەکە دوابخات، ئەوا هەوا نامێنێت و دەخنکێیت.
ڕێگە مەدە ئەمە بەسەر خۆت و ئازیزانتدا بێت.
تەنانەت ئەگەر لەمەش ڕزگارت بێت، هێشتا لە مەترسیدایت.
ئەو کەسانەی کە پێشنیازی ڕێکخستنی گەشتت بۆ ئێرە بۆ دەکەن تاوانبارن. تۆ ناتەوێت قەرزاری ئەم خەڵکانە بیت.
ئەگەر لەلایەن قاچاخچییەکەوە بەڵێنی کارێکت پێ درابێت، ئەوە ساختەیە.
کاتێک دەگەیت، لەوانەیە ببیتە کۆیلەی ئەوان. لەوانەیە ئازارت بدەن و توندوتیژ بن بەرامبەرت.
تۆ کار بۆ ئەم تاوانبارانە دەکەیت بە مووچەیەکی کەم یان بەبێ مووچە. دەچیتە ژێر باری قەرزەوە، هیچ ڕێگەیەکی دەربازبوونت نابێت.
خێزانەکەت دەخەیتە مەترسییەوە. بۆ ناچار کردنت، قاچاخچییەکان زۆرجار لە وڵاتی خۆت هەڕەشە لە خێزانەکەت دەکەن.
ژیان لە بەریتانیا وەک کۆچبەرێکی نایاسایی زۆر سەختە. زانیاریی زیاتر لەسەر ڕاستییەکانی کۆچی نایاسایی وەربگرە.
کۆچی نایاسایی هەرگیز شایەنی ئەو مەترسییە نییە.
قاچاخچییەک ئاشکرا بکە
ئەگەر کەسێک بەڵێنی دا یارمەتیت بدات بۆ ئەوەی بەبێ ڤیزا بێیت بۆ بەریتانیا، پێویستە ئاشکرای بکەیت.
ئەوان گرنگی بە سەلامەتی و داهاتووت نادەن. قاچاخچییەکان بەرپرسیارن لە مردنی خەڵک لەسەر بەلەمە مەترسیدارەکان لە کەناڵی ئینگلیزی.
بیانوەستێنە. ئێمەیان لێ ئاگادار بکەرەوە. ناسنامەکەت دەپارێزرێت.
گەشتی یاسایی
ئەگەر دەتەوێت بۆ ژیانێکی باشتر یان بۆ ئەوەی بگەیت بە سەلامەتی بێیت بۆ بەریتانیا، تاکە ڕێگە ئەوەیە کە لە رێگەیەکی یاساییەوە بێیت بۆ ئێرە.