مقررات بدلېږي. 

د کډوالو ساتنه اوس موقتي او محدوده ده.

دا په دې معنی چې کله ستاسو خپل هېواد خوندي وبلل شي، نو تاسو به بېرته خپل هېواد ته ولیږدول شئ.

تاسو به نور دا اتومات حق ونه لرئ چې خپله کورنۍ له ځان سره راوستلای شئ.

له تاسو څخه به تمه کېږي چې که توان ولرئ، د خپل ژوند د لګښتونو په ورکړه کې ونډه واخلئ، او تاسو به مجبور اوسئ خپلې شتمنۍ وپلورئ څو په لګښتونو کې ونډه واخلئ.

انګلستان د بېرته ستنولو بهیر ګړندی کوي.

که تاسو دلته د پاتې کېدو حق ونه لرئ، نو بېرته به واستول شئ.

د انسان قاچاق کوونکي تاسو ته دروغ وايي. هغوی وايي چې په انګلستان کې په غیرقانوني ډول پاتې کېدل اسانه دي.

موږ به له هېڅ ډول هڅې دریغ ونه کړو څو هر هغه څوک بېرته واستوو چې دلته د پاتې کېدو حق نه لري.

موږ اوس هغه کسان چې په کوچنیو کښتیو کې په غیرقانوني ډول انګلستان ته راځي، سمدستي بېرته لېږو.

دا په دې معنی چې تاسو به له کښتۍ ښکته کړل شئ، بندي به شئ او په راتلونکې پرواز کې به بېرته ولېږل شئ. د انګلستان او فرانسې د تړون په اړه نور معلومات ترلاسه کړئ.