እንግሊዝ በአውሮፓ ውስጥ እጅግ ጥብቅ የሆነውን የስደተኛ ህግ ስራ ላይ እያዋለች ነው።

በህገወጥ የሰዎች አዘዋዋሪዎች ውሸቶች አይታለሉ። ስለ የእርስዎ ተስፋዎች እና ህልሞች እነርሱ ግድ የላቸውም፣ ስለ ገንዘብዎ እንጂ። ህገወጥ ስደት አደገኛ እና በትዕግስት የማይታለፍ ጉዳይ ነው።

ምንም ለማያገኙበት ነገር ህይወትዎን እና ገንዘብዎን ለአደጋ አያጋልጡ።

ወደ እንግሊዝ ለመግባት የሚቻለው በህጋዊ መስመሮች ብቻ ናቸው።

ህጎች እየተቀየሩ ነው።

የስደተኛ ጥበቃ አሁን ጊዜያዊ እና የተገደበ ሆኗል።

በመሆኑም የመጡበት ሀገር ስጋት ያለበት አለመሆኑ እንደተወሰነ ወዲያውኑ ወደ ሀገርዎ ይመለሳሉ።

ከእንግዲህ ወዲያ በቀጥታ ቤተሰብዎን የማምጣት መብት አይኖርዎትም።

እስከቻሉ ድረስ ለመኖር የሚያስፈልግዎትን ወጪ እንዲሸፍኑ ይጠበቃል፣ እንዲሁም ለወጪዎችዎ አስተዋፅዖ ለማድረግ ያሉዎትን ንብረቶች መሸጥ ይኖርብዎታል።

እንግሊዝ ህገወጥ ስደተኞችን የመመለሱን ተግባር እያፋጠነች ነው።

እዚህ ለመኖር መብት ከሌለዎት፣ ይመለሳሉ።

ህገወጥ የሰዎች አዘዋዋሪዎች ይዋሹዎታል። እንግሊዝ ውስጥ በህገወጥ መንገድ መኖር ቀላል እንደሆነ ይነግሩዎታል።

እዚህ ለመኖር መብት የሌለውን ሰው በሙሉ ወደመጣበት ለመመለስ ቁርጠኞች ነን።

በትናንሽ ጀልባዎች በህገወጥ መንገድ ወደ እንግሊዝ የሚመጡ ሰዎችን በሙሉ አሁን በቀጥታ እየመለስን ነው።

ይህ ማለት፣ እርስዎን ከጀልባ ላይ ማውረድ፣ በቁጥጥር ስር ማዋል እና በቀጣዩ በረራ መመለስ ማለት ነው። የእንግሊዝ እና የፈረንሳይ ስምምነትን በተመለከተ ተጨማሪ መረጃ ያግኙ።

ሥራ መስራት አይችሉም። ክፍያ አይከፈልዎትም።

ህገወጥ ስደተኞች እንግሊዝ ውስጥ ሰርተው ገንዘብ ማግኘት አይችሉም – ገንዘባቸውንም ያጣሉ እንጂ።

እንግሊዝ ውስጥ ሥራ መስራት የህገወጥ ስደተኞች ህግን የሚጥስ ነው። በህገወጥ መንገድ ሥራ ለመስራት ከሞከሩ፣ በቁጥጥር ስር ይውላሉ እንዲሁም በስራ ያገኙት ገንዘብም ይወረሳል። በእንግሊዝ ታሪክ ውስጥ የህገወጥ ሰራተኛ እስራት ከፍተኛ ደረጃ ላይ ደርሷል።

ወደ ሀገርዎ ሲመለሱ ከመጀመሪያው የነበረዎትን ገንዘብ አጥተው እና ለህገወጥ የሰዎች አዘዋዋሪዎች ክፍያ የተበደሩትን የሚመልሱበት አማራጭ አጥተው ራስዎን ሊያገኙ ይችላሉ። ይህ ራስዎን እና ቤተሰብዎን በከፋ አደጋ ላይ ሊጥል ይችላል።

ህገወጥ ስደትን በተመለከተ ተጨማሪ እውነታዎችን ይወቁ።

ጠቃሚ መረጃ

በትናንሽ ጀልባዎች መምጣት የበለጠ አደገኛ ሆኗል።

ህገወጥ የሰዎች አዘዋዋሪዎች በጀልባዎች ላይ ከመጠን በላይ የበዙ ሰዎችን እየጫኑ ነው። በሚፈጠረው መጨናነቅ ህይወትዎን ሊያጡም ይችላሉ። ወደ ባህር ሊወድቁ እና ሊሰምጡም ይችላሉ። ነዳጅ ቃጠሎ በሰውነትዎ ላይ ዘላቂ ጉዳት ሊያደርስ ይችላል።

ህፃናትን ጨምሮ በርካታ ሰዎች ሞተዋል።

ስለሚገጥሙዎት አዳዲስ ስጋቶች ተጨማሪ መረጃ ያግኙ።